9月13日
هلا والله بالجميع
شحالكم ياجماعة الربع .. وشخباركم .. من زمااااان ما كتبت شي جديد .. ولا هذرت عليكم وبربرت ..
اووووه صج تذكرت .. حسيون زكي شخبارك .. وينك .. ووين ارضك من سماك يالقاطلع .. اوووووه نسيت اقولكم ياجماعة وعذروني .. هع هع هع من الوناسة نسيت اقولكم .. تراني رجعت للدمام من حوالي الشهر واسبوع .. كوووووشخه 
.. 
.................................................
اووووووووه صج بعد تذكرت .. مبارك عليكم الشهر .. والله يكتبكم من صيامه ويتقبل اعمالكم مقدماً .. 
...................................................
والله السنه كشخة .. اول مرة احس اني اسوي شي غير .. رحت كندا خمس شهور .. وبعدها رجعت الدمام .. واللحين في الرياض .. وبصير معزب خخخخخ .. وتاير كبر الدنيا انشاء الله .. وبملك المليار دولار بعد 12 سنه من الموت .. هع هع هع خخخخخخ
والله اني ولهان على سبيسي حد ام الدعسة احس ابي اكتب واخربط اي شي على العموم .. سييييي يوووو جايز
7月26日
نبارك لإمام العصر و
الزمان ولي الله الأعظم و آيته العظمى الحجة بن الحسن العسكري المهدي (
عليه الصلاة و السلام) مولد جده الكرار علي بن أبي طالب أمير المؤمنين
(عليه السلام)
ونبارك للمراجع العظام .. ولشيعة أمير المؤمنين .. ولكل محبين أمير
المؤمنين .. هذا المولد الشريف .. سألين المولى عز وجل .. بحق علي وآل علي
.. ان يرزقنا شفاعته يوم الدين ..
ونهديكم هالأبيات .. للشاعر .. الشيخ إبراهيم النصيراوي ..
حيدر علي والينه هز الفلك بيمينه
**
حيدر علي شيوصفه الله و رسوله ايعرفه
نوره و جلاله امشرفه يبقه الولي هادينه
*
اسمك كتبته بقلبي و ما أزل أبد عن حبي
إنت التنور دربي حبك علي ايغذينه
*
نور القمر من نوره رايتنه بيه منصوره
يقصد علي و يزوره ايشوف النعيم ابعينه
*
ذكرك ايزيل أحزاني غصباً عله العدواني
حب الوصي عنواني شيعه و علي يحمينه
*
نفخر الحيدر شيعه انوالي الوصي و انطيعه
حبه أبد منبيعه متمسكين ابدينه
*
يا طير إخذ دلالي لرض النجف للوالي
أرد أحجي ويه الغالي من الظلم ملينه
*
إنت التحل الشده تصبر عجب هالمده
و الجور تجاوز حده يا با الحسن نجينه
***
والسلام مسك الختام
5月6日
السلام عليكم.. اخواني تقبلوا عذري على التأخير في تكملة القصة.. لكن الظروف اجبرتنا..
على العموم نكمل الجزء الاخير من القصة
ـــــــــــــــــــــــــــــــــــــــــــــــــــــــــــــــــــــــــــــ
بعد ماركبت الطيارة الاخيرة والمتجة الى اوتاوا.. وبعد القصة الطويلة
العريضة.. وبعد رحلة استمرت حوالي 25 ساعة.. وصلت بحمد الله الى مدينة
اوتاوا.. وماكان في مطار اوتاوا ولله الحمد اي مشكلة ..
كان في استقبالي في المطار علي بن العم عبدالمحسن وبناته رغودة وفطوم..
انا من شفتهم رجعت روحي وراح كل التعب وسلمت عليه وعلى بنياته ..
ورحنا نستلم العفش.. (الله على العفش اللي ماصفيت منه الا على شنطة
وحدة).. استلمنا الشنطة وطلعنا من المطار وعلى السيارة.. بس انا اول
ماطلعت من المطار انصدمت بالجو.. بررررررررررررد مووووووووت مو طبيعي..
جسمي صار كله ينفض ..
علي ولد عمي محسن يضحك : ههههههههههههه والله انك ماشفت البرد الصج.. انت
جيت اللحين في وقت الجو فية زين.. يقولي انت مالحقت على -40 تحت الصفر..
انت جيت في الصفر .
انا: هااااااااا -40 هااااااا اي اي زين زين والله.. الحمدلله اني مالحقت عليها ..
المهم ركبنا السيارة.. وعلي يقولي: بسرعة علمني شصار معاك في الرحلة.. انا
من امس وانا احاتيك.. والله اني مانمت من كثر التفكير فيك .
انا: آآآآآآآآه ياعلي شنو اللي ماصار معاي.. وعلمته القصة من طق طق.. الى السلام عليكم.
قال: على العموم الحمدلله على سلامتك.. وقالي هذا مشكلة اللي ماعنده لغة..
لازم يتوهق.. وعلى العموم اللحين بنروح الشقة نتعشى وبعدين نروح بيتكم..
اوديك حق الماما الكندية..
انا: اوكي.
والله وصلنا شقة علي.. وكانت ام رغد الله يعطيها العافية مسوية ذاك العشى المحترم.. على كيف كيفك .
تعشينا.. بعد العشا انا خلاص النوم قضى علي .. قلت حق علي: علي الله يعافيك وصلني البيت ابي ارررررررررقد.. علي ok
المهم.. واحنى على الطريق للبيت.. علي يقولي انا كلمت امك الكندية..
والظاهر انها حليوة.. وبالنسبة لشناطك باجر نتصل على الخطوط البريطانية
ونشوف المشكلة بالضبط..
انا: ok (ههههههههه كنت منتهي بس ادور السرير)
وصلنا البيت.. علي هذا بيتك في كندا.. انا اهااااا.. ونزلنا من السيارة.. علي ضغط على جرس البيت..
انفتح باب البيت ولا اسمع الا وحد.. هااااااااااااااااااي .. واطالع بقوة.. وعلي يضحك ويقولي هاذي امك الكندية..
انا: بصدمه.. هااااي ..
تقولي انا اسمي.. آشلي.. وانت.. انا محمد النمر.. تالي قالت: نايس تو ميت يو.. انا: مي تو..
( انا ليش انصدمت.. لأنها بصرااااحة سودة.. اول ماشفتها تحطمت نفسيا.. شلون بسكن مع سودة )
المهم بعد دقيقة ماشفت الا اثنين.. نازلين من الدرج اللي في وسط
البيت..واثنينهم اعيونهم مسموته.. اثنينهم مع بعض.. هاااااااي.. انا
هاااااي.. الاول المدربح: انا اسمي ديفد (صيني) .. الثاني: انا اسمي
جيك(كوري) .. انا: معاكم محمد النمر.. اثنينهم مه بعض ولكم ولكم..
انا: مبتسم ههههههههههههههههههه
ــــــــــــــــــــــــــــــــــــــــــــــــــــــــــــــــــــــــ
بعدها قامت الماما آشلي توريني البيت تقولي هذا المطبخ.. وهذا (الله يعزكم)الحمام.. وهذا الصالة.. وهذا غرفتك.. ووووووو الخ.
اناقلت حق علي: حبيبي يعطيك العافية.. لاتتعطل اذا بتمشي.. اتوكل على الله.. وباجر اذا قعدت من النوم بينا الوووووو.
علي: ok تصبح على خير.. ومشى علي
قالت: الماما ها تبي تسبح اللحين..
انا: no no sleeeeeeeeeeeeeeep
قامت تضحك وقالت: هذا غرفتك رح ارقد.. بس تبي باجر الصبح اسوي فطور؟؟
انا مثل الاصمخ.. طااااااااااااخ.. سكرت باب الغرفة وعلى السرير على طوووووول.. ولا جنها تكلمني..
ــــــــــــــــــــــــــــــــــــــــــــــــــــــــــــــــــــــــــ
انا رقدت تقريبا الساعة 11 او 12 في الليل على ما اتذكر.. وماجات الساعة 7
الصبح الا انا على طول فزيت من السرير.. وقمت سبحت.. بعد ماخلصت سبوح شفت
الماما قاعده..
قالت: هاااااااااي موهمد.. جود مورنج.
انا: هاااااااي.. قود مورنج.
واشوفها.. مصخنة الحليب وحاطة الكورن فلكس.. وبجنبهم البريد معاه البنات
بتر والجام ..(ههههههههههه انا داخلي اقول ايييييييييييييي راحت ايامك
يالصوص.. وينك ياشجير.. ووين ايام البيض بالجبن.. هخهخهخهخهخهخهخهخهخهخ )
والله وفطرت.. وعلى طووووووول على اللاب توب.. وشغل الماسنجر وسكايبي..
الووووووو هنا كندا.. معاكم محمد على الهواء مباشرة من اوتاوا ..
والله واشوف بيتنا اون لاين على سكايبي.. واتصل على طوووووول..
طوووووط .. طوووووووط..
يوسف اخوي يرد: الو
انا: الو
يوسف: هلالالالالالالالالالالا محمد الحمد لله على السلامة!
انا: الله يسلمك
يوسف يصارخ: يمااااااااااااااااااا.. يماااااااااااا.. محمد موجود على النت.. توه اللحين داخل
والله ووصلت الوالدة ..
الوالدة: هلا يمه هلا.. الحمدلله على سلامتك.. شلونك.. انشاء الله.. عسى ماتلعوزت..
(انا حسيت ان الدنيا مو شايلتني من الفرحة لمن سمعت صوت الغالية.. امي )
انا: اهلين يمه اهلين.. انا الحمدلله بخير وبصحة وبعافية..انتي شخبارج يالغالية.
الوالدة: والله لك محلك ياحميدان في البيت.. هاليوم اللي غبت فيه فقدنا
فوضتك وازعاجك.. واخوانك على طووووووول ماقصروا .. وزعوا الورث.. وخذوا
غرفتك .
انا: ههههههههههههههههه عليهم بألف عافية.. بس الله الله.. مثل ماوصيتهم
مب ارجع والغرفة رايحة فيها.. مثل ماوصيت يوسف.. خل ينتبة على
السيارة..ترى توني مضبطها.
الوالدة: هههههههههههههه لاتحاتي ياحبيب قلب امك ..(خخخخخخخخخ.. انا مستانس الوالدة مدلعتني )
ــــــــــــــــــــــــــــــــــــــــــــــــــــــــــــــــــــــــــــــــــــ
الوالدة: ابوك وصل وبيكلمك..
انا: اي اي عطيني اياه
الوالد: هلا محمد.. قوة شلونك..شخبارك.. الحمدلله على السلامة.. مابغيت توصل.. هههههههههههه.. شكلك هلكت..ههههههههههههههههههههه .
انا: هههههههههههههههه اي والله تدبهدلت بس الحمدلله اني وصلت .
الوالد: على العموم الحمدلله على السلامة.. وبالنسبة لشناطك تابع انت وعلي موضوعهم.. واذا مالقيتهم.. تقدر تطالبهم بتعويض ..
انا: انشاء الله
الوالد: ها شلون الجو عنكم.. وشلون البيت اللي انت ساكن فيه؟؟
انا:والله يا يبه.. الجو بارد.. والبيت للحين ماشفت خيره من شره.. لأني وصلت تعبان وعلى وطول حطيت راسي على السرير ورقدت
الوالد: زين.. شلون امك الكندية.. وشذا اسمها؟؟
انا: ههههههههههه امي الكندية زينه وتسلم عليكم.. واسمها آشلي.. بس عندي مشكلة وحدة معها؟؟
الوالد: شذا؟
انا: هخهخهخهخهخهخهخهخهخهخهخهخ.. المشكلة انها بلاك كلر .
الوالد والوالدة: هههههههههههههههههههههههههههههههههههههه.. لايكون جنها اللي يبسطون في السوق.. ههههههههههههههههههه.
انا: هههههههههههههههه لاتخافون تراها احلى من( زهور)هههههههههههههه ..
الوالد:هههههههههههههههههه انزين خلنا نشوفها ونكلمها!!
انا: اوكي.. بسألها اذا وافقك كلموها.
وانزل تحت المطبخ ومعاي اللاب توب.. واقولها: آشلي.. آشلي.. ابوي وامي اون لاين على النت..
آشلي: اووووووووه صج.. خلني اكلمهم واشوفهم.
انا: اوكي.
واعطيها المايك والسماعات واوجه الكاميرا عليها..
ــــــــــــــــــــــــــــــــــــــــــــــــــــــــــــــــــــــــــــــــــــــــ
آشلي: هااااااااااااي
الوالد:هاااااااي.. اهلا ام ولدنا الكندية.. شخبارج؟
آشلي: بتموت من الضح..هههههههههههههههههههههههههههههههههه(على شنو تضحك ما
ادري) اهلا وسهلا.. انا بخير.. ولدكم لاتخافون عليه.. بقعد مراقبة له بيت
مدرسة .. مدرسة بيت..هههههههههه
انا: مو وجها تنكت..هههههههههه
الوالد:هههههههههههه على العموم تشرفنا بمعرفتج.
آشلي: وانا اكثر.
ـــــــــــــــــــــــــــــــــــــــــــــــــــــــــــــــــــــــــــــــــــ
المهم اتصل علي الساعة 12 تقريباً.. وقالي يله نطلع عشان تشري لك ملابس
تدفيك من البرد.. واتعرف على الاشياء الرئيسية في المدينة واعرفك على
المنطقة ونمر الجامعة .
انا: اوكي.. بس جب معاك جاكيت.. لأن جاكيتي في الشنطة اللي ضاعت .
علي: اوكي..
ــــــــــــــــــــــــــــــــــــــــــــــــــــــــــــــــــــــــــــــــــ
المهم عشان مااطول عليكم.. بعد الطلعة والتمشي.. رجعت البيت.. وبعد ساعة اتصل علي..
قالي مبروك.. اتصلوا علي الخطوط البريطانية.. حصلوا الشنطة ويجيبونها بعد ساعتين.
انا:صج! صج.. الحمدلله.. زين رجعت الشنطة..ههههههههههههههههههههه ,
علي: اذا جابوا الشنطة بمر عليك.. عشان تاخذ الشنطة وتقعد شوي معاي في البيت..نشرب جاي.
انا: اوكي.
بعد ساعة ونص تقريباً.. اتصل وقالي: انا على الطريق.. خلك جاهز.. انا: اوكي
ـــــــــــــــــــــــــــــــــــــــــــــــــــــــــــــــــــــــــــــ
وصل علي.. وطلعت
انا: هابشر عسى وصلت؟
علي: اي وصلت.. اللحين نروح البيت وتشوفها.
انا: اوكي.
وصلنا شقة علي.. فتح الباب..
علي: هذا شنطتك!
انا: !!! هااااااااااااااا !!! ذي مب الشنطة الكبيرة!.. ذي شنطة المعسل اللي خذوها مني في لندن !
شلون وصلت ؟؟.. اهم ماقالوا بيوصلوناها!!
علي: ماادري عنهم.. قالي يعني عندك شنطة بعد غيرها ؟
انا: اي عندي شنطة غيرها.
علي: زين والورقة اللي عطوك اياها في المطار حق الشنطة الضايعة؟
انا: موجودة.. خذها.. وهذا رقم الشنطة!
علي: اصبر دقيقة خلني اتصل عليهم واشوف.. ويتصل ولا احد يرد علية..
قال: الظاهر مسكرين اللحين خلها الى باجر ونشوف..ههههههههههههه وصلت معسلتك بدون ماتوصل النكهة ههههههههههههههههه .
انا:والله من القرادة !
ــــــــــــــــــــــــــــــــــــــــــــــــــــــــــــــــــــــــ
ورجعت البيت.. بخيبت امل..
ــــــــــــــــــــــــــــــــــــــــــــــــــــــــــــــــــــــــ
اليوم اللي بعده في الليل.. اتصلت على علي..
انا: الوووو علي..
علي: هلا محمد حياك..
انا:الله يحيك.. علي خلنا نروح المطار ونشوف مكتب الخوط البريطانية هناك.. يمكن عندهم خبر عن الشنطة؟
علي: ok خلك جاهز.. اللحين بجيك.
وصل علي.. وتونا ماشين من يم البيت.. الا تيلفون علي يرن.. ورقم غريب
علي وقف السيارة: الووووو
الطرف الثاني: اهلا.. الاخ علي؟
علي: نعم معاك علي.. منو انت؟
الطرف الثاني: معاك الخطوط البرطانية.. عندنا بلا على شنطة ضايعة وراعي الشنطة حاط رقمك.. تعرفه ؟
علي: اي اعرفه.. اي اسمه محمد النمر.. ولد عمي!
الطرف الثاني: طيب اخوي انت موجود في البيت عشان تستلم الشنطة؟
علي: هههههههههههه اي موجود.. وتوني كنت بطلع المطار عشان اسأل عن الشنطة.
الطرف الثاني: لا.. لاتجي المطار احنى نوصلها لك الى البيت.. بعد 3 ساعات الشنطة عندكم.. شكراً.
ـــــــــــــــــــــــــــــــــــــــــــــــــــــــــــــــــــــــــــــــــ
انا مبقق عيوني.. ومو مصدق..
وعلي يطالع فيني ويضحك..
ويقولي: مع وجهك تقول انك مقرود.. ههههههههههههههههه والله انت حضك يفلق
الصخر.. اغراضك كلها رجعت.. وقدرت تمدد الفيزا.. وتقول مقرود..
ههههههههههههههههههههههه .
انا:ههههههههههههههههههههههه صل على محمد.. وعين الحسود فيها عود انشاءالله..هخهخهخهخهخ
وصج بعد ساعتين وصلت الشنطة وكان كلشي سليم ومو ناقصة شي..
وعشنى حياة سعيدة مليانة بالحب والفرح
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وخلصت .. وملصت .. جات الجاجة ...... وعنفصت.. هههههههههههههههه
وسلامتكم.. والعذر والسموحة منكم.. من جديد
4月16日
بعد أن أخذت الجواز .. انتقلت الى العفش .. طبعا وصلت جهة العفش متأخر بسبب اللي صار مع موظف الجوازات .
المهم رحت جهة العفش .. وقدعت ادور على شناطي .. كان عندي شنطتين كبار وحدة لونها عنابي والثانية لونها اسود مخططة بالاحمر.
تميت حوالي نص ساعة عشان احصل وحدة من الشناط .. ولقيت الشنطة العنابية .. بس باقي الشنطة السودة!
وينها .. وين أختفت .. ياربيييي والله مالي خلق مصايب جديدة .. بروحي انا تعبان ومنهد حيلي .
تميت ادورها يمين ويسار .. مب لاقيها.. قمت اطالع في شناط العالم.. اقول يمكن احد أخذها بالغلط.. بس مافي فايدة !.
شفت شناط محطوطة على جنب.. رحت اشوفها.. قلت يمكن احصل شنطتي هناك.. بس المنحوس منحوس ومافي فايدة.
ياربييييييييييييييييي شنو الحل اللحين.... تميت اتلفت يمين ويسار وانا متوهق.. الا شفت واحد يتكلم عربي.
رحت وقلت له: عندي شنطة ضايعه.. ومب لاقيها شسوي؟؟
(على فكرة هالشنطة فيها اهم الاشياء بالنسبة لي.. مو الملابس.. لالالا.. فيها الأكل ونكهة العنب الفاخر مالت المعسل )
طلع هالعربي لبناني بن حلال.. قالي: انت جاي على اي خطوط؟
انا: على الخطوط البريطانية.
قال: شفت صفت المكاتب اللي هناك! .. بتشوف مكتب حق الخطوط البريطانية.. كلمهم على الشنطة وأهم بساعدونك.
انا: الف شكر .. ويعطيك العافية.
قال: الله يعافيك.
ـــــــــــــــــــــــــــــــــــــــــــــــــــــــــــــــــــــــ
رحت حق المكتب اللي قالي عنه.. وعلمتهم على الشنطة .. قالوا: رح شف الشناط اللي محطوطين على جنب.. تونا مجمعينهم يمكن تحصل شنطتك معاهم!.
انا على طوووووول رحت ركض يمكن احصل الشنطة بين هالشناط .. بس بدون فايدة .
رجعت مرة ثانية للمكتب .. وقلت لهم مالقيت الشنطة.. قالت الموظفة : اوكي عطنا عنوانك في كندا واحنى اذا لقينا الشنطة بنرسلها لك الى مكانك .
انا: لاحول ولاقوة الا بالله العلي العظيم .. ما اعرف العنوان .. مافي الا اتصل على علي ولد عمي عبدالمحسن .. واخذ عنوانه .. واسجله لهم .
ــــــــــــــــــــــــــــــــــــــــــــــــــــــــــــــــــــ
وصج اتصلت على علي واخذت عنوانه .. وسجلته عندهم .
وبعدها قالت: رح مكتب الشرطة اللي بالمطار وبلغهم عن شنطتك.. وعن محتوياتها .
ورحت مكتب الشرطة .. وقلت لهم عندي شنطة ضايعة .. واخذوا اوصاف الشنطة وسجلو شنو فيها.
ــــــــــــــــــــــــــــــــــــــــــــــــــــــــــــــــ
بعد ما خلصت من الشرطة.. طالعت الساعة اللي في يدي .. ولا اشوف الساعة الا على الخمس بالضبط يعني باقي ساعة على اقلاع رحلتي الأخيرة الى اوتاوا .
انا قلت.. هلا والله هلا .. والله وراحت عليك الرحلة وبتنقع في هالمطار .. وقمت اركض وشنطتي وراي .
بس المشكلة ما ادري وين البوابة اللي توديني على هالرحلة.. وانا اركض.. شفت شرطي.. على طول قلت .. اوتاوا .. اوتاوا .. وين؟
قام يطالعني واهو يضحك .. رح الصالة رقم 4 .
انا: هااااااااااااااااا وين الصالة رقم 4؟
قالي: رح سيييييييييييييييييييييييييييييييييييييييييييده بتشوف اصنصير .. اركب فية واتبع اللوحات وبتوصل.
انا: شكرا.
ورحت ركضضضضضضضضضضضضضضض .
وكبت في الاصنصير.. وشفت ارقام وزر مكتوب علية صالة رقم 4.. وضغطت على الزر.. ووصلت صالة شكبرهاااااااااا .. ومكتوب فيها صالة رقم 18 .. وين صالة رقم 4؟؟.. واروح واسال واحد واقف .. وين صالة رقم 4 .. قالي رح سييييييده وبتشوف درج رح من هناك وبتوصل..
ورحت على وصف الرجال.. ورقيت الدر ولا اشوف الى ممر طوييييييييييييييييييييييييييييييييييل شي ماله نهاية .. انا قلت لالالالالالالا الليلة ببات في المطار.. ورحت في هالممر الطويييييييل الى ان وصلت اخر شي .. وصار في وجهي جدار ويميني درج كهرب ويساري اصنصير.. واشوف لوحة مكتوب عليها صالة رقم4 .. انا قلت هلا وصلنا .. بس ارقى هالدرج واوصل .. و رقيت الدرج .. ولا اشوف نفسي الا بين قطارات .. وشفت شرطي ..
وقلت: حضرت عمي الضابط انا ابي اروح صالة رقم 4 ما ابي اروح وسط المدينة .. من وين اروح ؟ ( هههههههههههههههههههههههههههه )
قال: شف اللحين اول قطار بيجي على يمينك هذا يوصل للصالة رقم4!.
انا بيني وبينكم شكيت في الموضوع وقلت ذه شكلة يخربط .. ويبي يضيعني.. اهو حس فيني.. قال لاتخاف اذا ركبت هالقطار صج بتوصل الصالة رقم4.
انا: اوكي نشوف اخرتها.
ــــــــــــــــــــــــــــــــــــــــــــــــــــــــــــــــــــــ
وصل القطار.. وركبت على طول.. ومشى القطار بعد دقيقة.. وتم يمشي ويمشي.. وانا ميت من الحر.. بسبب الركض من جهة .. وبسبب خوفي ان الرحلة تروح علي.
بس انا ماكنت مصدق ان كل هذا مطار.. عنبو شنو هالمطار اللي فية قطارات .. المهم بعد 5دقايق وقف القطار في المحطة .. ونزلت .. انا نزلت من القطار واشوف لوحات كبااااار .. مكتوب فيها ارقام الصالات.. صالة10 و12 و15 و20 و28 و30 و70 بس صالة4 مو موجودة! .. وينها؟
شفت واحد واقف عند طاولة ومكتوب عليها خدمة العملاء..
وعلى طول سألت وين الصالة4 ؟
جاوبني وقال.. رح الممر اللي وراي واركب الاصنصير وبتوصل الصالة رقم4.
ورحت على طول .. وركبت الاصنصير.. وشف زر متكوب صالة رقم4 واضغط على الزر .. وبيدأ الاصنصير يتحرك .. ووقف بعد ثواني .. ويفتح الباب .. واشوف جدار متكوب علية صالة رقم4.. واخييييييييييرا وصلت .
ــــــــــــــــــــــــــــــــــــــــــــــــــــــــــــــــــــــــــــــ
وعلى طول رحت ادور رحلتي .. ولقيت لوحة اوتاوا .. وقطعت البوردنق.. وحملت العفش ..
وانا اطالع في ورقة البوردنق .. اشوف رقم البوابة رقم 22 .
سألت عن البوابة .. ودليت وينها.. طبعا البوابة كانت بعييييدة ومريت على 21 بوابة..ههههههه .
المهم وصلت .. ولا اشوف احد بجنب البوابة.. الا الموظف اللي يقطع البوردنق .. قالي بسرعة انت اخر واحد اركب بسرعة .
انا: هااااااااااااااااااا ... اي اي زين اللحين بركب .
وركبت الطيارة
ـــــــــــــــــــــــــــــــــــــــــــــــــــــــــــــ
ادري اني مصختها معاكم بس تحملوني
ترى ما خلصت القصة بس بكملها في الجزء الجاي.. الأخيييير
الأخييييير
工具 
发送私人消息
订阅 RSS 源
告诉朋友
添加到 Live.com
添加至您的网络
订阅提醒
..هاااا شذا تقول
؟؟
.. أنت محمد؟؟
.. انا: اي انا محمد .. توني قاعد من النوم .. صوتي متغير .. اصبر بعد شوي اكلمك .. خلني شوي اصحصح
.. وعععععع بيتزا
.. ماتعرف تسوي .. والله ياحسن اللحين اقوم اسوي حق روحيه .. وخلك تموت من الجوع .. قم اقول قم .. 
.. هيهيهيهيهيهيهيهيهيهيهي.. 
.. هاهاهاهاهاهاهاهاهاهاهاهاهاييييييييييييييييييي.. انا بتديت اضحك.. 
وباقي الكلاس انفجر ضحك.. 
تالي رجعت للكرسي وقعدت اطالع فلم.. واخيرا وانا اطالع الفلم رقدت .
.
ان اللحين بتدخل وعندك 3شناط 
انا: في حالة من الأحباط(ok)شكرا .
